Në një intervistë për NCR-në holandeze, kryeministri i Kosovës Albin Kurti tha se përfaqësuesit e tij kishin një “marrëveshje zotëri” që mbante “strukturat ilegale në veri” dhe shtoi se ai nuk mori pjesë në të.
“Slogani që shohim te serbët është: “Lutju Zotit dhe beso në Rusi”. Askund në Evropë mbështetja e Putinit nuk është kaq e fortë. Kjo është ajo që ne po luftojmë: kundër fashizmit të Moskës dhe aleatëve të saj”, shton Kurti.
NCR shkruan se gjëja e fundit që dëshiron Kurti është “krijimi i një shteti brenda shtetin” me komunitetin e komunave serbe. Referim i tij është Bosnja, ku Republika Srpska autonome ka fuqi të madhe dhe bllokon çdo vendimmarrje dhe përparim në vend.
“Nuk jam aq budalla sa të lejoj diçka të tillë këtu”, ka thënë Kurti.
Ai i quan “joautentike” protestat në veri të Kosovës. “Njerëzit sillen me autobusë nga Serbia për të udhëhequr barrikadat. Kemi prova që janë persona të maskuar me karakteristika të milicisë ruse Ëagner, Ujqërve të Natës (bandat ruse të motoçikletave besnike të Putinit) dhe të ashtuquajturës Brigadë Veriore”, thekson Kurti.
“Ne do të duhet të vendosim shtetin e së drejtës në veri të Kosovës për të luftuar realisht paligjshmërinë atje”, thekson Kurti.
Përpos kontrabandës dhe krimit, arkën e shtetit më së shumti e ka prekur fakti që askush në veri nuk paguan rrymën.
“Ne po rrjedhim gjak financiarisht për shkak të kësaj. Ne i dhamë licencë kompanisë së tyre energjetike dhe bëmë marrëveshje në qershor për ta zgjidhur, por nuk respektohet”, kujton Kurti.
“Nuk e kam problem me serbët atje, por me fqinjin tonë verior. Përderisa Vuçiç nuk mund të distancohet nga gjenocidi i mëparshëm serb, pret tjetri. Po të mos ishte NATO, serbët do të na kishin masakruar sërish. Nuk e di nëse janë të aftë për këtë, por e di që do ta kishin qëllimin”, përfundon Kurti. /tesheshi.com/
