Kreu katalanas Carles Puigdemont tha se rajoni spanjoll ka fituar të drejtën e të qënit shtet sipas rezultateve të referendumit të së dielës.
Ai tha se ishte hapur dera për një deklaratë të shpalljes së pavarësisë.
Zyrtarët katalanë thanë se 90 për qind e atyre që votuan mbështesin “pavarësinë”, ndërkohë që pjesëmarrja ishte 42.3%.
Por siç dihet, Gjykata Kushtetuese e Spanjës e ka shpallur referendumin të paligjshëm, ndërkohë që qindra njerëz u plagosën ndërsa policia përdori forcën për të bllokuar votimin.U sekuestruan fletët dhe kutitë në qendrat e votimit.
“Me këtë ditë shprese dhe vuajtjeje, qytetarët e Katalonjës kanë fituar të drejtën për një shtet të pavarur në formën e një republike”, tha Puigdemont në një fjalim televiziv, i rrethuar nga udhëheqës të tjerë të lartë katalanas.
“Qeveria ime, në ditët e ardhshme do të dërgojë rezultatet e votimit të sotëm në parlamentin katalanas, në mënyrë që të veprojë në përputhje me ligjin e referendumit”.
Gjithashtu, shumë se 40 sindikata dhe shoqata katalanase bënë thirrje për një grevë në mbarë rajonin për shkak të “shkeljes së rëndë të të drejtave dhe lir
ive”.
Turma të mëdha të mbështetësve të pavarësisë u mblodhën në qendër të kryeqytetit të Barcelonës në mbrëmjen e së dielës, duke valëvitur flamuj dhe duke kënduar himnin katalanas. Nga ana tjeër, protestuesit anti-pavarësi zhvilluan tubime në Barcelonë dhe në qytetet e tjera spanjolle. /tesheshi.com/
