Na ndodh të gjithëve të bërtasim apo të ulërasim kur ndjejmë dhimbje dhe kur nuk mund ta kontrollojmë atë. Është një fenomen që u ndodh të gjithë personave nëpër botë. Por a e dini se cila është arsyeja? Një kërkim shkencor ka thelluar kërkimet në lidhje me këtë fenomen dhe ka nxjerrë disa përfundime mjaft interesante.
Duket se tingujt e lartë që nxjerrim në këto momente, rrisin rezistencën ndaj vetë dhimbjes. Kërkimi është realizuar duke u vendosur disa personave dorën në një enë me ujë shumë të ftohtë.
Këtyre personave iu është kërkuar të ndjekin këto veprime: të bërtisnin apo të thonin ndonjë fjalë gjatë kohës që ndjenin dhimbje, ndërsa një pjese tjetër i është kërkuar të shtypë një buton ose të mos reagojë fare. Rezultati ishte se kush nxirrte pasthirrma apo edhe ulërinte, arrinte ta mbante dorën në ujë për një kohë më të gjatë.
Të dëgjoje të tjerët teksa ulërinin, siç ndodhi me një pjesë të personave që ishin pjesë e eksperimentit, nuk kishte asnjë efekt. Sipas kërkuesve, ulërima është një shenjë rezistence ndaj dhimbjes, i lidhur me aspektin fizik dhe motorik të trupit të njeriut./tesheshi.com/
