Një mijë refugjatë në ditë hyjnë në Preshevë, ndërsa vijon fluksi i njerëzve që kalojnë përmes Maqedonisë me destinacion vendet e Bashkimit Europian. Itinerari i tyre kalon nga Serbia, në Hungari e më pas në shtete të tjera europiane.
Ndalesa e parë e qëndrimit të refugjatëve, kryesisht nga Azia dhe nga Afrika është në komunën e shqiptarëve, në Preshevë.
Numri sa vjen e rritet ndërsa fillimisht refugjatët strehone në kampin e ngritur nga Qeveria, kushtet në të cilin janë mjaft të vështira. Në këtë kamp, refugjatët regjistrohen dhe presin për të marrë rrugën drejt destinacioneve të tjera.
Mediat thonë se zyrtarët e Agjencisë për refugjatët nuk lejojnë filmimin brenda kampit në ish-fabrikën e duhanit, ku besohet se ndodhen mbi 1 mijë persona. /tesheshi.com/
