Topçinjtë londinezë po nisin të përsërisin veten dhe në këtë sezon të Premier League-s, me shpresat për titull që zbehen dalëngadalë.
Ata janë dorëzuar përpara Mançester Junajtedit, duke humbur 3-2, në një takim ku protagonist ka qenë një 18-vjeçar, debutues te “djajtë ekuq”.
Marcus Rashford ka bërë përshtypje të jashtëzakonshme me paraqitjen e tij për Mançester Junajtedin, e, për më shumë, ka shënuar dhe dy gola.
Dy herë e ka gjetur ai rrjetën e miqve të Arsenalit, në minutën e 29-të dhe të 32-të. Rezultati 2-0 për Mançester Junajtedin u ngushtua pesë minuta para përfundimit të pjesës së parë, pas golit të shënuar nga Welbeck.
Herrera i çoi shifrat në 3-1 në minutën e 65-të, e pak më pas Mesut Özil mposht gardianin vendas De Gea.
Takimi u mbyll i tëri 3-2, dhe kështu Mançester Junajtedi fiton për herë të parë dy ndeshje rresht në fushën e tij gjatë këtij sezoni. Arsenali qëndron në vend të tretë në klasifikim, me pesë pikë larg Lestërit kryesues. /tesheshi.com/
