Pas një serie të gjatë bisedimesh në Bruksel, kryeministri britanik, David Cameron, ka lajmëruar arritjen e një marrëveshjeje me vendet anëtare të BE-së, e sigurimin e një statusi special për vendin e tij.
“Kam negociuar një marrëveshje për t’i dhënë Mbretërisë së Bashkuar status special brenda Bashkimit Europian,” deklaroi kryeministri britanik në një konferencë shtypi pas përfundimit të bisedimeve.
Marrëveshjen e konfirmoi dhe presidenti i Këshillit Europian, Donald Tusk. “Mbështetje e njëzëshme për marrëveshjen e re për Mbretërinë e Bashkuar në Europë,” qenë fjalët e tij.
Sipas Cameron-it, marrëveshja siguron mbrojtje jetike për ekonominë britanike. Po ashtu, Britania nuk do t’i bashkohet kurrë monedhës europiane, euro-s, e nuk do të jetë pjesë e një “supershteti” të ardhshëm europian. Do të ketë dhe kufizime të reja të forta mbi aksesin në sistemin britanik të asistencës sociale për emigrantët dhe refugjatët e BE-së.
Kryeministri britanik do të mbledhë qeverinë këtë mëngjes të së shtunës.
Britania është ekonomia e dytë më e madhe e BE-së, e një nga dy anëtarët e saj të përhershëm në Këshillin e Sigurimit të BE-së. /tesheshi.com/
