Tre shqiptarë dhe dy grekë u arrestuan nga policia, e cila sekuestroi një sasi të madhe droge në një laborator në Atika.
Drejtori i sigurimit publik të Atikës, gjeneral major Christos Papazafeiris bëri me dije se të arrestuarit janë të moshës nga 19 deri 45 vjeç, ndërsa mes tyre është edhe një femër shqiptare.
Laboratori funksiononte në një kamp romësh, në pjesën perëndimore të Athinës.
Në cilësinë e provave materiale u sekuestrua 23 kg heroinë, të ambalazhuar në 49 paketa, raportojnë mediat greke.
Heroina e përpunuar në laborator, trafikohej në zona të ndryshme të Greqisë dhe kryesisht në Selanik, Patra dhe Larisa.
Ndër të tjera u sekuestrua edhe një furgon, një armë gjahu, një sasi e vogël parash, tetë celularë, etj. /tesheshi.com/
