Arrestohet I dyshuari nga Fushë Kruja. “Gjurmët e tritolit” dhe lidhja me çështjen Doshi

Shoqërohet një i dyshuar si i përfshirë në atentatin e mundshëm të deputetit të përjashtuar nga Partia Socialiste Tom Doshi. Bëhet fjalë për biznesmenin Durim Bami nga Fushë-Kruja, i cili vetëm një javë më parë  u bë pre e një atentati me minë të telekomanduar, e cila fatmirësisht nuk shpërtheu. Sipas pretendimit të deputetit Tom Doshi, Durim Bami është personi që pretendohet se ka marrë paratë për ekzekutimin e tij. Bami njihet si person që ka më shumë lokale bastesh në Fushë-Krujë. I shoqëruari ka tentuar të arratiset nga vendi pak pas mesnatës rreth orës 12:30 dhe është ndaluar në pikën kufitare të Hanit të Hotit. Burime nga prokuroria thanë për A1 Report se rreth orës 3 të mëngjesit ai është shoqëruar nga Shkodra për në drejtorinë e Policisë në Tiranë.