Ishin kthyer në makthin e qytetarëve, por duket se aventurat e një grupi adolishentësh të moshës 14-15 vjeç ka përfunduar me arrestimin e tyre nga policia.
Grupi i adoleshentëve u arrestua nga policia e Durrësit, ndërsa ata akuzohen si autorë të të paktën 9 vjedhjeve në dyqane dhe lokale.
Policia bëri të ditur arrestimin e 4 adoleshentëve, të cilët duke përdorur mjete të ndryshme hapnin dyert e lokaleve dhe dyqaneve duke vjedhur gjithçka që gjenin përpara.
Në kuadër të operacionit “Minoreni” u ndaluan dhe u proceduan:
-H. D., 15 vjeç, banues në Durrës, i ndaluar; i dënuar më parë për vjedhje;
– A. A., 15 vjeç, banues në Durrës, i ndaluar;
-E. Z., 14 vjeç banues në Durrës, po ndiqet penalisht në gjendje të lirë;
-E. Xh., 14 vjeç, banues në Durrës, po ndiqet penalisht në gjendje të lirë, i proceduar më parë për vjedhje.
Ndalimi dhe procedimi i këtyre shtetasve u bë pasi nga puna e Seksionit për Hetimin e Krimeve të Komisariatit të Policisë Durrës, është bërë dokumentimi i plotë ligjor, pas një hetimi dy mujor, i veprimtarisë kriminale të mirë organizuar nga këto persona, të cilët duke përdorur si mënyrë hapjen e dyerve të duraluminit si dhe vetratave të xhamit me kaçavidë, vidhnin lekët e xhiros ditore që gjenin në sirtarë, për ngjarjet si më poshtë vijojnë:
-Më datë 25.05.2017, në lagjen Nr.3, Durrës dyshohet se kanë vjedhur me thyerje dyqanin e shtetases E.V. ku kanë marrë 90 000 lekë.
-Më datë 02.06.2017, në lagjen Nr.14/1, Durrës dyshohet se kanë vjedhur me thyerje dyqanin e shtetasit B. Ç., ku kanë marrë TV dhe kompjuterë lojërash Playstation.
-Më datë 28.06.2017, në lagjen Nr.5, Durrës dyshohet se kanë vjedhur me thyerje dyqanin e shtetases K. C., ku ka marrë 5 000 lekë.
-Më datë 16.07.2017, në lagjen Nr.8, Durrës dyshohet se kanë vjedhur me thyerje dyqanin e shtetasit L. Z., ku kanë marrë 9 000 lekë.
-Më datë 21.07.2017, në lagjen Nr.12, Durrës dyshohet se kanë vjedhur me thyerje dyqanet e shtetasve S. J., N. K., dhe K. K., ku kanë 50 000 lekë dhe një aparat fotografik.
-Më datë 29.07.2017, në lagjen Nr.15, Durrës dyshohet se kanë vjedhur me thyerje dyqanin e shtetases Sh. S., ku kanë marrë disa paketa cigare.
-Më datë 30.07.2017, në lagjen Nr.3, Durrës dyshohet se kanë vjedhurme thyerje lokalin e shtetases S. Ç., ku kanë marrë 3 000 lekë.
-Më datë 30.07.2017, në lagjen Nr.1, Durrës dyshohet se kanë vjedhur me thyerje farmacinë e shtetases T. S., ku kanë marrë 10 000 lekë.
-Më datë 31.07.2017, në lagjen Nr.6, Durrës dyshohet se kanë vjedhur dyqanin e shtetasit I. E., ku kanë marrë 10 000 lekë.
Gjithashtu bëhet e ditur se materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhje” e kryer në bashkëpunim më shumë se një herë parashikuar në nenin 134/2 të Kodit Penal. /tesheshi.com/
