Policia në Guatemala ka arrestuar kryetarin e bandës “Mara Salvatrucha”, e njohur edhe si MS-13, raporton BBC.
Policia ka njoftuar se Angel Gabriel Reyes Marroquin, i njohur si Blanco (i bardhi), është kapur në qytetin e Chimaltenango, 50 kilometra larg kryeqytetit Guatemala City.
Ai po kërkohej intensivisht prej dy muajsh pas një sulmi me armë në një spital.
Banda MS-13 ka rrjet ndërkombëtar dhe është e lidhur edhe me vrasjen e dy vajzave në New York këtë vit.
MS-13 besohet se bazën e saj kryesoree e ka në Los Angeles, ndërsa ka reputacion si një grup kriminal tejet i dhunshëm.
Një specialist i FBI-së që e ka hetuar MS-13 thotë se motoja e tyre është “vrit, dhuno, kontrollo”.
Blanco kërkohej prej kohësh, ndërsa akuzohet se është i lidhur me vrasjen e rreth 300 personave. /tesheshi.com/
