Nikolla Gruevski, deri dje i gjithëpushtetshëm në Maqedoni, sot është detyruar që të dalë të protestojë në rrugë, pasi i janë arrestuar 36 zyrtarë e aktivistë të partisë së tij, mes tyre deputetë dhe ish-ministra, të akuzuar për dhunën e 27 prillit në Kuvendin e Maqedonisë, ku u gjakosën Zoran Zaev dhe Ziadin Sela.
Arrestimet u kryen mëngjesin e kësaj të marte, ku menjëherë pati reagim nga VMRO deri me thirrjet për dalje në rrugë, siç dhe ka ndodhur. Mes turmës ka qenë dhe ai, ish-kryeminstri Gruevski.
“Policia hyri në shtëpitë e deputetëve të VMRO-së, anëtarëve të Komitetit Ekzekutiv, ish-zyrtarëve të partisë dhe të personave të tjerë publik. Policia me urdhër të Zoran Zaevit nuk ka respektuar imunitetin e deputetëve, por thjeshtë urdhrat politik për përballje me ata të cilët mendojnë ndryshe”, u tha në reagimin VMRO-së.
Ndërsa Gruevski, u përbetua të protestojë deri në lirimin e atyre qw siç tha, u arrestuan se dolën kundër Platformës së Tiranës”
“Kjo është lufta e popullit kundër këtij pushteti. Të nderuar, VMRO-DPMNE, do ta udhëheq këtë betejë, për drejtësi dhe për atdheun. Kjo betejë do të jetë e rëndë dhe e gjatë, por do të fitohet. Ajo duhet të rezultojë me fitore. Në rrugët në shtëpi çdokund ku do të duhet. Kërkojmë ndalim të gjithë këtyre proceseve, shpejt ndalim të maltretimeve dhe terrorit të LSD. Lëshim urgjent të gjithë personave që janë përfshirë me këtë përndjekje”, tha Gruevski. /tesheshi.com/
