Bashkëshortja e një ish ministri grek, e cila ishte e burgosur nën akuzën e korrupsionit, është arratisur nga spitali psikiatrik në Athinë, ku ishte shtruar prej një kohe të konsiderueshme. Lajmi është bërë i ditur nga mediat greke dhe është konfirmuar nga policia e këtij shteti.
Vicky Stamati ishte shtruar 18 muaj më parë në spitalin Dromokaitio, nën masa të forta sigurie, pasi kishte shfaqur probleme me shëndetin mendor.
Gjykatësit kishin refuzuar disa herë kërkesën e saj për të dalë nga burgu, në mënyrë që të kujdesej për fëmijën e moshës 8 vjeçare. Stamati, e cila është bashkëshortja e dytë e 72 vjeçarit Aleksis Tsochatzopoulos, ish ministër socialist, ka marrë në vitin 2012 një dënim prej 12 vitesh burg. Bashkëshorti i saj në vitin 2013 u dënua me deri 20 vite burg, pasi u shpall fajtor për pastrim parash.
Sipas gjykatësve, Tsochatzopoulo , duke shfrytëzuar pozicionin e tij si ministër i Mbrojtjes nga viti 1996 në vitin 2001, ka mbledhur ryshfete tepër të majme nga kompani të ndryshme për furnizimin e sistemit të mbrojtjes me raketa e nëndetëse ruse dhe gjermane./tesheshi.com/
