Erdhi dhe çasti i parathënë: ish-deputeti i PS-së, Armando Prenga, do lërë qelitë e paraburgimit e do shkojë në shtëpi.
Gjykata e Lartë vendosi që t’i ndryshojë masën e sigurisë duke i dhënë masën “arrest shtëpie”.
Pak muaj më parë, Armando Prenga u përfshi në një përplasje me armë në Patok, ku pati dhe të plagosur. Vetë ai qëlloi me armën që mbante me vete.
Edhe kur ishte deputet, Prenga prodhoi disa incidente, ku njëri prej tyre ishte rrahja e përfolur me rrip pantollonash e kolegut demokrat, Genti Strazimiri.
Ai është një ndër emrat kryesore për të cilin parlamenti i sotëm konsiderohet si i kriminalizuar. /tesheshi.com/
