“Humbja e Botërorit nuk erdhi papritur, sepse dy të fundit kanë qenë katastrofë për Italinë”. Kësaj rradhe është një trajner legjendë që flet, as më shumë e as më pak, por vetë Arigo Sacchi. I intervistuar nga mediat, Sacchi nuk e ka mbajtur “gojën” për të komentuar pasojat e mosarritjes së kualifikimit të kombëtares axurre në Rusi 2018.
“Nuk e di nëse problemi mbetet tek formacioni më i mirë apo jo, veç dua të them se përzgjedhja e lojtarëve më të mirë është e lidhur edhe me filozofinë më të mirë, me taktikën më të mirë, pra me disa aspekte vlerësimi. Nuk dua të flas për individë, bie fjala nëse duhej të luante ose jo Insigne, sepse ne në Itali gabojmë shpesh kur konsiderojmë individuale dicka që është sport në grup, në skuadër” – është shprehur mes të tjerash Arrigo Sacchi. Sipas tij, vërshëllimat e publikut, janë “fëmijë” të rezultatit të munguar, sepse nëse gjykon vetëm ato e jo punën tënde, nuk gjykon drejt” – vijon shpjegimin e tij filozofik, ish-trajneri i kombëtares italiane.
Por ndërsa gazetarët insistonin të bënin pyetje mbi fajtorët, Sacchi me diplomaci, kërkoi të fliste për urgjencën që të imponon ringritja. “Në këto momente le të rivendosim ndërgjegjen në vend, të gjejmë sa më shpejt gabimet, të analizojmë, e të mos ndalojmë tek individi e si i bën gjërat ai. Nuk është individi ai që përcakton rezultatin”– këshillon ish-trajneri i Milanit të famshëm Kampion Europe.
E në fund, Sacchi vlerëson Ançelotin si trajner të Kombëtares axurre, por kërkon që nëse ai pëzgjidhet për të ringritur Italinë në prestigjin e historisë, duhet ndërhyrje kolektive. “Ançeloti është trajner i madh, por a duam ta ndihmojmë atë? Atëherë le të fillojmë t’i bëjmë gjërat shumë ndryshe nga sa i kemi bërë deri tani”– deklaron Arrigo Sacchi. /tesheshi.com/
