Kompania e njohur gjermane e fluturimeve ka pezulluar një pjesë të mirë të veprimtarisë së saj për shkak të një greve dyditore të pilotëve, që kërkojnë paga më të larta.
Janë anuluar 876 fluturime të distancave të gjata dhe të shkurtëra, përfshirë 51 fluturime ndërkontinentale për të mërkurën.
Lufthansa u ka kërkuar falje rreth 100.000 pasagjerëve të prekur nga greva e pilotëve, duke njoftuar ndërkohë se po punon për t’u ofruar alternativa të tjera udhëtimeve atyre.
Pilotët e Lufthansa-s kanë bërë 14 greva që nga prilli i vitit 2014. Sindikata e tyre kërkon një rritje rroge prej 3.7 përqindësh.
Kompania e fluturimeve ka qenë e gatshme të bëjë një rritje page prej 2.5 për qind për gjashtë vite, deri në vitin 2019.
Sindikata e pilotëve vendosi të martën që ta vijojë grevën dhe të enjten, çka mund të çojë në anulime të tjera fluturimesh. /tesheshi.com/
