Bora rikthehet për të dytën herë në Stamboll brenda një muaji, duke sjellë ngërç në transport, bllokim rrugësh e anulime fluturimesh.
Turkish Airlines lajmëroi këtë të enjte për anulimin e 327 fluturimeve të parashikuara për ditën e sotme dhe të nesërme për shkak të kushteve në përkeqësim të motit.
Përveç kësaj kompanie ajrore, Pegasus Airlines po ashtu anuloi 110 fluturime të brendshme, siç bënë dhe kompani të tjera ajrore më të vogla.
Temperatura pritet të bjerë me shumë gradë në Stamboll, e bashkëshoqëruar me erëra të forta. Stuhitë e dëborës parashikohet të zgjasin për katër ditë në metropolin turk dhe në rrethinat e tij.
Kapaciteti i dy aeroporteve të Stambollit, Atatürk dhe Sabiha Gökçen, do të reduktohet me 20 për qind gjatë ditës së sotme dhe të nesërme. /tesheshi.com/
