Humbja me rezultatin 3-2 në shtëpi ndaj Burnleyt ka bërë që trajneri i Chelsea, Antonio Conte, të kuotohet nga kompanitë e basteve si favorit për tu shkarkuar.
Humbja, pas një vere të trazuar, ishte një jehonë shqetësuese për mënyrën në të cilën kampionët e Jose Mourinhos u shembën dy sezone më parë, duke i kushtuar ‘Special One’ me humbjen e punës së tij.
Tani duket se po përsëritet e njëjta situatë edhe me italianin, i cili renditet në krye të trajnerëve që mund të shkarkohen nga klubi gjatë këtij sezoni në Premier League.
Gary Cahill dhe Cesc Fabregas u ndëshkuan me kartonin e kuq, ndërsa Chelsea u shkatërrua 3-2 në Stamford Bridge nga ekipi i Sam Dyche, Burnley.
Me largimin e Cahillit nga loja, Conte pranoi se “ky Ishte një moment kyç, sepse pas atij kartoni të kuq kemi humbur qetësinë tonë dhe kemi pësuar tre gola”. /tesheshi.com/
