Nr.2 i UEFA-s, Michele Uva konfirmoi të martën se selia e futbollit evropian do të konsideronte propozimet për të larguar finalen e Champions League-s 2020 nga Stambolli, por shtoi se organizata “nuk mund të zëvendësojë Kombet e Bashkuara”.
Thirrje të shumta kanë ardhur në UEFA pasi Turqia nisi një ofensivë kundër grupimeve terroriste kurde në Siri, ndërkohë që një festimi i llojit ushtarak i skuadrës turke në dy raste shënimi golash në eliminatoret e Euro 2020, me Shqipërinë dhe Francën, është përkthyer si akt politik, gjithnjë referuar operacionit në veri të Sirisë.
“Ne do të respektojmë autonominë dhe pavarësinë e sportit, por është e sigurt që ne nuk mund të zëvendësojmë Kombet e Bashkuara, Bashkimin Evropian, shtete, ambasadorë dhe institucione të tjera politike”, tha Uva, duke shtuar se “UEFA merr vendime në bashkëpunim me Komitetin Ekzekutiv dhe Presidentin”.
Edhe para zhvillimeve të fundit, pati thirrje që Stambollit të hiqet nga finalja e Champions-it për arsye sigurie,.
Finalja e Champions League 2020 do të luhet në Stadiumin Olimpik Ataturk të Stambollit, i cili merr 76,000 spektatorë. Po në këtë stadium u luajt dhe finalja e Champions-it të në 2005 kur Liverpool mundi Milanin 3-0. /tesheshi.com/
