Anonymous njoftoi sot se ata kishin shkatërruar disa faqe ruse në luftën kundër pushtimit të Putinit në Ukrainë, dhe se mes tyre ishin faqet e shërbimit inteligjent rus FSB (pasardhës i KGB-së) si dhe faqet e qeverisë ruse.
Ata e postuan këtë në Twitter duke përdorur termin ushtarak “Tango poshtë”, duke shtuar se kishin shkatërruar dy faqe të tjera, Institutin e Mendimit të qeverisë ruse dhe Ministrinë e Sportit.
Ata publikuan gjithashtu korrespondencën e supozuar private midis Putinit dhe ministrit të tij të Mbrojtjes Sergei Shoigui në lidhje me planet për të prerë pyjet e Ukrainës.
Kujtojmë: Anonymous i shpalli luftë Putinit që në fillim të pushtimit të tij në Ukrainë dhe pak ditë më parë ata publikuan një mesazh të krijuar posaçërisht për të arritur qytetarët rusë, duke u bërë thirrje që të ngrihen kundër Putinit dhe ta largojnë atë nga pushteti.
“Grupi Anonymous është zyrtarisht në një luftë kibernetike kundër qeverisë ruse,” njoftuan ata në Twitter më 25 shkurt. /tesheshi.com/
