Ndër të shumtët shqiptarë që ka kaluar natën jashtë ose duke u strehuar në makinë për shkak të frikës nga lëkundjet e shumta të tërmetit, ka qenë dhe Andi Lila, i cili luan me Janinën në kampionatin grek.
Ai, i ka rrëfyer Top Channel-it ato orë ankthi, që në fakt ende nuk kanë mbarruar plotësisht, pasi në jug të vendit lëkundjet vijojnë ende:
“Ishte ora 11:30 në Greqi, kur u ndie lëkundja e parë dhe nga më të fortat. Unë ndodhesha në atë moment në hotel, bashkë me nusen dhe djalin, dhe isha bërë gati për gjumë. Mora djalin në krahë dhe dola menjëherë në hollin e hotelit. Me t’u qetësuar disi situata, u ngjita sërish në dhomë. Por lëkundjet nisën të ndiheshin çdo 10 minuta, e nga ai moment vendosa ta kaloja natën në makinë, së bashku me familjen”, tha Lila. /tesheshi.com/
