Kartoni ngjyrë portokalli do të fillojë të aplikohet që këtë vit në futboll. Do të jetë Angia shteti që do të nisë këtë eksperiment, i cili pretendohet të ndikojë në uljen e gabimeve nga arbitrat, si edhe në ndëshkimet “fatale” për ndërhyrjet e parregullta.
Kartoni portokalli do të përdoret në kampionatin e kategorisë së shtatë të Anglisë. Aplikimi i tij do të shihet edhe si test për ta shtrirë ose jo në të gjithë botën.
Kartoni portokalli do të jepet nga arbitri për ndërhyrje të ashpra apo sjellje të padenja. Lojtari që merr këtë karton, largohet për 10 minuta nga loja, e më pas rifutet sërish.
Drejtuesit e FIFA-s e presin me entuziazëm këtë risi në futboll, e cila, sipas tyre, do ta bëjë më të bukur dhe më konkurues sportin më të ndjekur në botë. /tesheshi.com/
