Eksperti dhe analisti ushtarak izraelit Amos Harel tha se ushtria izraelite dëshiron të largohet nga Gaza, por kryeministri Benjamin Netanyahu “ka ide të tjera”.
Në një artikull që shkroi për gazetën Haaretz, Harel deklaroi se Netanyahu “u premtoi edhe një herë një fitore të plotë mbështetësve të tij dhe ajo që realisht e pret Izraelin është një luftë që do të zgjasë shumë më gjatë se fitorja”.
Harel deklaroi se “Netanyahu pret fitoren e Donald Trump në zgjedhjet presidenciale në Shtetet e Bashkuara të Amerikës në nëntor”.
Ai nënvizoi se qëllimi përfundimtar i Netanyahut është të mbijetojë politikisht.
Duke thënë se efektet e një lufte të gjatë në vend janë më pak të rëndësishme për Netanyahun, Harel vuri në dukje se kryeministrit nuk i intereson barra në rritje për ushtrinë izraelite.
Duke theksuar se “ushtria aktualisht nuk ka asnjë lajm premtues në lidhje me të burgosurit izraelitë”, Harel tha se nuk ka asnjë lajm konkret për kthimin e tyre në shtëpi apo për humbjen e Hamasit.
Harel tha se “Netanyahu, i cili e njeh pozicionin e ushtrisë, nuk është i prirur ta pranojë atë dhe vazhdon të deklarojë se sulmet e gjithanshme ndaj Hamasit do të vazhdojnë me çdo kusht”. /tesheshi.com/
