Nga: Mensur Krasniqi
Idenë e ish-ministrit të Punëve të Brendshme, Ljubomir Frçkovskit, për emërim të ndonjë shqiptari si kryeministër tğ vendit, e ka riaktualizuar analisti politik Aleksandar Pandov, duke e quajtur ide të çmendur. Pandov e akuzoi Frçkovskin si mercenar të huaj, i cili, edhe si funksionar i shtetit, edhe si opozitë, gjithmonë ka punuar për interesat e huaja, e asnjëherë për interesat maqedonase.
“Kur dëgjuam para ca kohëve se si në një kanal televiziv shqiptar e zunë ethet se na duhet një kryeministër shqiptar, dikush gjeti dhe arsyen. Sipas tij, ai ka qenë i befasuar nga hapësira e dhënë në një televizion shqiptar, dhe, si pirës i njohur, ka tentuar që t`i kënaqë bashkëbiseduesit e tij,” thotë analisti politik Aleksandar Pandov.
Në vështrimin e Pandovit, kjo vërteton se Frçkovski nuk ka qenë vetëm atëherë në elemente. “Personazhi është i dhënë pas frustracionit dhe energjisë negative, e kësisoj edhe më andej po tenton që të na bindë se vetëm një ekstra shqiptar na duhet për kryeministër,” shton ai.
Pandovi nuk mund ta kuptojë këtë asessi, ngaqë, sipas tij, Frçkovski po kërkon një gjë të cilën shqiptarët as që e kanë ëndërruar ndonjëherë, pra, pozitën e kryeministrit.
“Kë duhet të bind unë tani se kjo krijesë punon kundër interesave nacionale dhe shtetërore të Maqedonisë? Kini kujdes! Kërkon diçka që as shqiptarët nuk po e kërkojnë. Edhe ata e kanë të qartë si bëhesh kryeministër në një shtet demokratik,” shkruan Pandov.
Nga sa kujtojmë, Ljubomir Frçkovski e pati shfaqur idenë për kryeministër shqiptar në një deklarim për televizionin Top Channel. Ai do të thoshte shprehimisht: “Kryeministër mund të jetë pa problem një shqiptar”. /tesheshi.com/
