Ambasadori Lu deklaroi fill pas shpalljes së fitores së Donald Tramp se raportet e mes SHBA dhe Shqipërisë nuk do të pasojnë ndryshime.
“SHBA kanë zgjedhur presidentin e 45-të të SHBA, Donald Tramp. Këto zgjedhje ishin një votë për ndryshim në SHBA. Por kjo nuk do të thotë ndryshim në marrëdhëniet mes Shqipërisë dhe SHBA. SHBA dhe Shqipëria kanë pasur marrëdhënie të ngushta si përgjatë administratave republikane dhe atyre demokrate. Jam besimplotë që marrëdhëniet tona do të mbeten të ngushta në administratën Tramp”, tha Lu gjatë “mëngjesit elektoral” në ambasadën amerikane në Tiranë.
“Teksa ne fillojmë të shërojmë ndarjet partiake në të majtë e në të djathtë në SHBA, shqiptarët do të nisin një debat të gjatë që do të kulmojë me zgjedhjet e qershorit. Si gjithë demokracitë e mëdha më lejoni t’u them që populli shqiptar do të bëjë zgjedhje të mençura. Ai do të vazhdojë të rrisë vlerat demokratike që e lidhin Shqipërinë me Europën dhe SHBA”, theksoi kreu i diplomacisë së Uashingtonit në Tiranë.
Tashmë ka një interes të madh mbi atë se si do reagojë administrata e re e Trampit në politikat e saj ndaj Shqipërisë, pasi kohë më parë, vetë kryeministri Rama u rreshtua kah kandidatja Klinton duke u deklaruar kundër zgjedhjes së manjatit të njohur president. /tesheshi.com/
