Ambasadori i Shteteve të Bashkuara në Maqedoni, Jess Bailey, deklaroi sot se Marrëveshja e Ohrit edhe pse nuk është zbatuar ende dhe ka probleme ajo është alternative më e mirë.
“Kjo nuk është një marrëveshje që i sjell përfitime vetëm një grupi apo bashkësie entike, por garanton zhvilimin e një shoqërie të fortë multientike. Marrëveshja e Ohrit nuk është një dokument i përkryer, pasi dispozitat e saj lënë hapësira për interpretime të ndryshme, por, siç e shohim edhe sot këtu, për këtë marrëveshje ekizston konsensus i gjërë dhe ky dokument mbetet i pandryshueshëm dhe themelor për vendin”, theksoi Bailey.
Ndërkaq, një nga protagonistët e kësaj marrëveshjeje, kreu i BDI-së, Ali Ahmeti pranoi se zbatimi i marrëveshjes është zbarritur por nuk tha se kush e ka përgjegjësinë.
“Marrëveshja e Ohrit si tërësi ka kaluar në legjislativin e Maqedonisë, përjashto këtu vetëm gjuhën shqipe që është bërë hap pas hapi. Po të flasim për implementimin praktik të saj, këtu ka shumë vend për të biseduar, diskutuar e analizuar, sepse ka shumë gjëra që duhen bërë dhe ka të tjera që nuk janë bërë akoma”, deklaroi Ahmeti.
/tesheshi.com/
