Pas skenave të shëmtuara sot në Kuvendin e Kosovës, ka reaguar edhe ambasadori i Shteteve të Bashkuara në Prishtinë, Greg Delawie. Ai është shprehur i zhgënjyer për këtë dhe ripërsëriti kërkesën për dialog mes forcave politike.
“Para dy ditësh kremtuam ditëlindjen e Kosovës dhe është zhgënjyese që sot shoh se ka njerëz që duan të rrezikojnë demokracinë në Kosovë. U bëj thirrje të gjitha partive të ndryshojnë qëndrimet e tyre, të përpiqen të punojnë që nëpërmjet dialogut t’i japin fund kësaj krize politike. U bëj thirrje të gjithëve që të shmangin fjalorin nxitës siç janë “tradhtarë” apo “qyqarë”, që vështirësojnë dialogun dhe zhvillimin e Kosovës sipas nevojës dhe dëshirës së qytetarëve”, u shpreh ambasadori Delawie./tesheshi.com/
