“Maqedonia do të jetë fqinje mirë e Kosovës atëherë kur do të implementojë Marëveshjen e Ohrit, që nënkupton avancimin e pozitës së shqiptarëve në shtet”, ka thënë ambasadori i Kosovës në vend, Ylber Hysa, në intervistë për Anadolu Agency (AA)
“Për ne, një Maqedoni e cila e respekton dhe e implementon tërësisht Marrëveshjen e Ohrit dhe me orientimet e saj shkon ka Evropa e Bashkuar dhe NATO, është një Maqedoni dhe një fqinj i mirë”, ka thënë Hysa, sipas të cilit Kosova është një treg i rëndësishëm për Maqedoninë, si një nga partnerët më strategjikë të tregtisë së jashtme, me qarkullim të mbi një milion njerëzve në vit, për çka ka theksuar rëndësinë e ndërtimit të autostradës Shkup – Prishtinë.
“Barra më e madhe do t’i bie Kosovës, sepse atë që duhet ta bëjë pala maqedonase është modesti. (rreth 20 km)
Kjo është në fakt një rrugë e cila është e leverdishme për palën maqedonase dhe ne shpresojmë që në kuadër të kësaj logjike edhe pala maqedonase do të bëj pjesën e saj modeste në ndërlidhjen e këtyre dy vendeve, ka thënë Hysa. /tesheshi.com/
