Ambasadori amerikan Greg Delawie ka uruar besimtarët myslimanë për festën e Kurban Bajramit. Këtë mesazh ai e ka shoqëruar edhe me thirrje politike duke kërkuar nga drejtuesit e partive kosovare të krijojnë sa më shpejtë institucionet.
Në një video incizim, ai u ka bërë thirrje krerëve politikë që të zgjidhin sa më shpejt çështjen e numrave në Kuvend.
“Përshëndetje qytetar të nderuar, janë bërë 2 muaj që nga përfundimi i zgjedhjeve nacionale, mendoj se nuk është bërë mjaft për votuesit kosovarë, të cilët votuan për zgjedhjen e institucioneve. Unë u bëj thirrje të gjithë politikanëve që ti bëjnë numrat në parlament dhe ta zhbllokojnë situatën politike sa më shpejt që është e mundur. Qytetarët kosovarë meritojnë më shumë më shumë se kaq, dhe nuk ka arsye të presin me. Urime festa e kurban Bajramit të gjithëve”, është shprehur Delawie. /tesheshi.com/
