Kreu i diplomacisë amerikane në Kosovës, Greg Delawie, ishte në Skënderaj ku u përpoq që t’u mbajë lart moralin të rinjve të atyshëm për të ardhmen e vendit. “Përkundër vështirësive, ju vazhdoni në rrugën tuaj për realizimin e ëndrrave të moshës”, tha ambasadori amerikan, i ndodhur aty në ceremoninë e hapjes së Programit “America with Kosovo”, dedikuar maturantëve të Skënderajt.
“Jemi këtu që t’ju ndihmojmë që t’i tejkaloni të gjitha ato çështje që mund t’i përjetoni gjatë shkollës së mesme”, tha Delawie.
Diplomati i Uashingtonit në Prishtinë, u rrëfeu të rinjve kosovarë historinë e Martin Luther King-ut me “I have Dream”-in e tij, këmbëngulësinë e tij pra për kauzën e tij antiracore dhe të drejtat e njeriut, që të shërbente dhe si një frymëzim për ta në udhën e vështirë të ëndrrave. /tesheshi.com/
