Ambasadori amerikan në Kosovë, Greg Delawie është shprehur për herë të parë këto ditë në lidhje me murin e ri serb në në anën veriore të Mitrovicës pranë Urës së Ibrit, si dhe për Demarkacionin.
Por nëse për të parën ka qenë paksa “as mish as peshk”, duke ia lënë në derë çështjen ligjeve, tek e dyta është treguar tejet i qartë: Demarkacioni duhet votuar!
“Në thelb ratifikohet kufiri që ka ekzistuar në mes të Kosovës dhe Malit të Zi, kur Kosova ishte krahinë në vitin 1974. Kjo është ajo që është e përfshirë në Kushtetutën e Kosovës. Kjo është në Planin e Ahtisaarit, ashtu që që vija kufitare që nxorri Komisioni është e përkryer. Mendoj se parlamenti duhet të votojë për miratim dhe mendoj se deputetët duhet t’a mbështesin atë”, thotë përfaqesuesi i Uashingtonit në Prishtinë.
Ndërsa për murin, ai tha se kjo çështje duhet të zgjidhet në përputhje me ligjet e Kosovës.
Komentet e ambasadorit Delawie u bënë gjatë një intervistë për RTK2. /tesheshi.com/
