Shtetet e Bashkuara të Amerikës dhe Bashkimi Europian nuk janë “ngopur” me largimin e Arben Ndokës dhe përjashtimin e treshes Doshi, Frroku, Prenga nga PD.
Ata kërkojnë shtrirjen e dekriminalizimit në largimin përfundimtar të njerëzve të inkriminuar nga Parlamenti, por edhe më tej. Heqjen e krerëve të bashkive që kanë status të njëjtë me të “fortët” e larguar.
Siç mëson tesheshi.com, ambasadorët e SHBA-së, dhe vendeve kryesore të BE-së, përkatësisht Gjermanisë, Britanisë së Mafhe, Italisë dhe OSBE-së kanë mësyrë sot zyrën e Ramës pa ndonjë plan paraprak për t’i sjellë “ultimatumin” përfundimtar të Perëndimit që nuk ka kohë për të pritur.
Ndërkohë, i pari ka mbërritur në zyrën e Ramës kryediplomati amerikan Donald Lu. Ai vinte fill pas një bisede konfidenciale me shefin e opozitës, Lulzim Basha. Rama ishte në një takim me Kryebashkiakët.
Shefi i qeverisë nuk e përcolli deri në fund aktivitetin. Duke u kërkuar ndjesë, ai u ngrit nga salla e hartave duke ua besuar Ministrave të qeverisë, të zgjedhurit vendorë.
“Shumë faleminderit, ju kërkoj shumë ndjesë por jam në një takim që nuk e anulloja dot. Më vjen shumë keq për këtë. Ju vazhdoni me pjesën e fundit”.
Tesheshi.com, mëson se pritet largime edhe nga PD por edhe nga bashkitë të të gjithë njerëzve që janë të listuar si “problematic” me ligjin. Ndërkohë siç mësohet pas kësaj Edi Rama do të nisë një fshesë në administratën e shtetit, duke larguar një mori drejtorësh të enteve ku qarkullojnë miliona dhe trafik influence. Po ashtu mësohet se në takimin mes Ramës dhe LU-së është folur për një process që nis së shpejti në SHBA për trafik droge, ku një i penduar i FBI-së, ka përmendur edhe politikanë shqiptare./tesheshi.com/
