Kriza ekonomike në Greqi, problemet me Eurogrupin dhe çështja e referendumit kanë shkaktuar mjaft probleme mes emigrantëve shqiptarë që jetojnë e punojnë në vendin fqinj.
Është lajmëruar që dje se nga dita e sotme e deri në javën tjetër, bankat do të qëndrojnë të mbyllura, gjë kjo, e cila nuk është pritur aspak mirë nga ana e emigrantëve shqiptarë.
Në lidhje me këtë situatë ka reaguar Ambasada shqiptare në Greqi, e cila bën me dije se të gjitha veprimet pranë Ambasadës do të kryhen në Zyrën Konsullore.
“Ambasada e Republikës së Shqipërisë njofton se: Si pasojë e mbylljes së përkohshme së Bankave në Greqi, deri në rihapjen e tyre pagesat për të gjitha veprimet pranë Ambasadës do të kryhen pranë Zyrës Konsullore”,- thuhet në njoftimin e Ambasadës shqiptare në Greqi. /tesheshi.com/
