Kreu i BDI-së, Ali Ahmeti, në një ngushëllim për familjen e Akademikut, Esat Savileci, i cili ndërroi jetë dy ditë më parë, theksoi se ai ka dhënë një kontribut të madh për shqiptarët e Maqedonisë.
“Me pikëllim e pranova lajmin për vdekjen e Profesorit dhe Akademikut të nderuar nga Kosova Esat Stavileci. Përveç kontributit të madh në arsim, profesori Stavileci ka dhënë kontribut edhe në në jetën shoqërore dhe proceset e rëndësishme politike për shqiptarët.
Akademikun Stavileci e takova në vitin 2001 në përfundim të luftës në Maqedoni, për ta konsultuar në përpilimin e Marrëveshjes së Ohrit si ekspert ligjor.
I shpreh ngushëllime e mia më të sinqerta familjes për humbjen e Profesorit, Akademikut dhe shkencëtarit të shquar të kombit”, shkruan Ahmeti në një postim në Facebook.
/tesheshi.com/
