Një prej negociatave më të bujshme të merkatos dimërore, është mbyllur sipas parimit të shkëmbimit, përveçse kërkesë-ofertës.
Kileni Alexis Sanchez kalon zyrtarisht tek Manchester United dhe merr numrin “e rëndë” 7, të cilin e kanë mbajtur lojtarë që kanë bërë epokë tek ky klub, si Kantona, Beckam, Cristiano Ronaldo etj. Sipas marrëveshjes së arritur me klubin e Arsenalit, pjesë e marrëveshjes është bërë edhe kalimi i armenit Henrikh Mkhitaryan.
Sanchez ka konfirmuar marrëveshjen në rrjetet sociale, duke rrëfyer se e kishte ëndëruar këtë kalim tek Manchester. “Gjithnjë kam dashur të luaj për Manchester United. Madje njëherë kam folur për gati 20 minuta me Sir Alex Ferguson, e mënyra si ai më foli për klubin, më bëri ta dëshiroj shumë fanellën e United” – shprehet Sanchez.
Kileni ka nënshkruar për 4 vite e gjysëm dhe do të fitojë gati 600 mijë paund në javë. I lumtur është shprehur edhe Mkhitaryan për aventurën tek Arsenal. Sipas tij, kalimi tek Topçinjtë ka qenë diçka që e dëshironte fort. /tesheshi.com/
