Kreu republikan, Fatmir Mediu, një nga aleatët më të ngushtë të PD-së, përmes një komenti në rrjetet sociale udhëzon opozitën sesi duhet të sillet me qeverinë dhe hapat që duhet të marrë për ringritjen e saj.
Mediu i drejton një apel Lulzim Bashës që të tërheqë menjëherë ministrat teknikë nga qeveria duke dëshmuar kështu shkëputjen e çdo lidhjeje me Edi Ramën.
“Opozita nuk është vetëm protestë karshi së keqes, por dhe alternativë zgjidhje e cila nuk merr formë dhe kuptohet në një muaj fushatë.
Opozita si në parlament dhe jashtë saj duhet të organizohet për të denoncuar keq qeverisjen dhe të angazhojë grupe të rinjsh për të hulumtuar dhe prezantuar idetë e djathta
Opozita jonë duhet të dalë nga populizmi i pavlerë dhe të demonstroje qartë se është e djathta dhe përfaqëson interesat më të mira të Shqipërisë dhe shqiptarëve
Opozita duhet të ngrihet fort kundër politikave alla Hugo Caves të Edi Ramës” siç janë ato të demokracisë popullore të shoqëruar me struktura të organizuara të krimit dhe trafiqeve në çdo bashki të lidhura me pushtetin”, shkruan Mediu.
Komenti i Fatmir Mediut
Opozita nuk emërohet ajo është përfaqësuese e vullnetit të qytetarëve, të cilët nuk e kanë pranuar dhe nuk pranojnë qeverisjen e Ramës.
Opozita duhet të ketë në vlerësimin e saj jo vetëm ata qytetarë që votuan për të, por ata që nuk u bindën prej saj për ta mbështetur atë duke bërë që ne të marim më pak vota se 2013 dhe ne duhet të analizojmë të gjitha arsyet pse?
Opozita duhet të vlerësojë dhe përfaqësojë dhe atë pjesë të elektoratit që ka kohë që nuk voton sepse ka humbur besimin në lirine e votës dhe mundësinë e ndryshimit nëpërmjet votës, apo që politika përfaqeson interesat dhe i shërben njerëzve.
Opozita nuk është vetëm protestë karshi së keqes, por dhe alternativë zgjidhje e cila nuk merr formë dhe kuptohet në një muaj fushatë.
Opozita si në parlament dhe jashtë saj duhet të organizohet për të denoncuar keq qeverisjen dhe të angazhojë grupe të rinjsh për të hulumtuar dhe prezantuar idetë e djathta
Opozita jonë duhet të dalë nga populizmi i pavlerë dhe të demonstroje qartë se është e djathta dhe përfaqëson interesat më të mira të Shqipërisë dhe shqiptarëve
Opozita duhet të ngrihet fort kundër politikave alla Hugo Caves të Edi Ramës” siç janë ato të demokracisë popullore të shoqëruar me struktura të organizuara të krimit dhe trafiqeve në çdo bashki të lidhura me pushtetin.
Opozita ndërtohet duke bindur shqiptarët se ndryshimi nuk vjen duke pritur që të ndryshojë shoqëria si è tërë, por duke ndryshuar secili prej nesh, me bindjen se ne jemi të paret dhe jo qeveria.
Opozita duhet të gjejë rrugën për të zgjuar koshiencen qytetare dhe shpresen se ky vend ka të ardhme
Basha duhet urgjentisht të shkepuse çdo lidhje që ka me Ramën nëpërmjet prezencës së ministrave teknik, kjo e ben opozitën të papranueshme, qesharake dhe kompromentuese
Sado i drejtë të jete argumenti për të ndërtuar një raport për zgjedhjet, ata mund ta kryejnë këtë pune duke mos qenë minstra në bashkepunim me strukturat që u moren me zgjedhjet në 12 qarqet apo pranë cdo kandidati.
Mjafton po ashtu fakti që të analizohen filmimet e numërimeve të disa qarqeve për të parë se forca e parasë dhe krimit është më e fortë se politika dhe shteti, dhe njëkohësisht ortake e pushtetit të Ramës.
Çdo opozitë që krijon mëdyshje, paqartësi dhe mungesë transparence në opinionin publik është e prirur të dështojë. /tesheshi.com/
