I ndodhur në Mynih për Konferencën e Sigurisë, aty ku është mbledhur një pjesë e elitës politike botërore, Kryeministri Albin Kurti i qëndroi dhe njëherë tezës së tij të një “heqje takse me reprocitet”.
Reciprociteti është parim normal i marrëdhënieve bilaterale. Ne do ta heqim taksën, por se ta vendosim parimin e reciprocitetit. Qytetarët më 6 tetor na kanë votuar për këtë gjë. Në program e kemi kur u votuam më 3 shkurt si kabinet qeverisës, do ta zbatojmë me planin e punës së qeverisë”, tha Kurti në një intervistë për DW.
Nga ana tjetër, ai tha se dhe dialogu, rifillimi tij, duhej të kishte tjetër qasje.
“Unë nuk jam kundër dialogut, por jam për dialog të përgatitur mirë dhe me parime. Jam për një dialog që na shpie në marrëveshje dhe që është mjaftueshëm që të mos sabotohet as nga brenda as nga jashtë”, argumentoi Kurti.
Sa i përket zhvillimeve të brendshme, ai sërish kërkoi një unifikim të qëndrimit në politikën e jashtme. Për këtë, tha se është i gatshmën të bisedojë me presidentin Thaçi.
“Nuk e di se sa mund t’i unifikojmë qëndrimet, por unë shpreh vullnetin dhe interesimin tim që të mos kemi dy apo më shumë politika të jashtme të Kosovës. Edhe Trump kur i pati dërguar letrën Thaçit, vitin e kaluar, ka thënë se Kosova duhet të flasë me një zë të unifikuar dhe të bashkuar. Mendoj që këtë duhet ta bëjmë sa më parë. Ndoshta nuk është mirë që nuk u takuam para se të vijmë këtu, por do të kemi kohë që të takohemi pa problem”, theksoi Kurti.
Ndërsa sa i përket raporteve me homologun e Tiranës, ai tha se çdo takim është i tejkalueshëm.
“Unë nuk kam asgjë të keqe dhe dua që Kosova dhe Shqipëria të integrohen dhe bashkohen sa më shumë, të bashkëpunojnë në secilin fushë. Dallimet janë të tejkalueshme dhe takimi me kryeministrin Edi Rama është ndër takimet më të mira të dy-tre viteve të fundit me të”, theksoi njeriu që qeverisë Kosovën në më pak se dy javë. /tesheshi.com/
