Sipas Albin Kurtit, Schengeni rajonal do ishte i mundur nëse Serbia do njihte Kosovën.
“Të gjitha nismat rajonale po ngecin se mungon njohja e Kosovës nga Serbia, njohja nga Serbia do krijonte situatën në të cilën të gjitha vendet do të bashkëpunonin më shumë.
Në këtë aspekt nuk mjafton vetëm tregu i përbashkët, por vlerat e BE duhet të vendosen edhe në raport me të gjitha shtet, barazia, lufta e korrupsionit, investimet në ekonomi, sundimi i ligjit e kështu me radhë.
Dhashë edhe një propozim si mund të ecim përpara dhe ky është modeli i marrëveshjes europiane EFTA, që ne të hyjmë si rajon i përbashkët në BE sa i përket Ekonomisë dhe Tregtisë që në fund të kësaj të dekade të ishim të gatshëm të hynim në BE”, komentoi Kurti në kuadër të samitit BE-Ballkan Perëndimor që po mbahet në Tiranë. /tesheshi.com/
