Rritet gjendja e alarmit në kufirin mes dy Koreve, pas një shkëmbimi zjarri në orët e mëngjesit. Koreja e Veriut duket se ka nisur “lojën” duke hapur zjarr kundër një altoparlanti që prej ditësh hidhte slogane e bënte propagandë kundër Veriut në seksionin koreanojugor të zonës së demilitarizuar mes dy vendeve.
Seuli është kundërpërgjigjur po me të shtëna. Nuk ka të plagosur nga kjo përplasje luftarake mes Jugut dhe Veriut, ndërsa konfirmohet se me dhjetëra plumba të artilerisë kanë goditur Jugun.
Tashmë në kufi është vendosur qetësia, ndërsa të dyja vendet “ruajnë” njëra-tjetrën duke monitoruar nga afër lëvizjet e trupave dhe zhurmat në zonë. /tesheshi.com/
