Vera është duke ardhur dhe si pasojë rritet dëshira për akullore, por kjo që do t’ju tregojmë më poshtë është një akullore shumë e veçantë dhe ndryshe nga gjithë të tjerat. Bëhet fjalë për një akullore me specin djegës më pikant në botë. Është krijuar nga një xhelateri në Rehoboth Beach të Delaware të Shteteve të Bashkuara të Amerikës.
Në pamje të parë duket si një akullore normale me vanilje dhe me luleshtrydhe, por në të vërtetë receta është tejet shpërthyese dhe përmban edhe disa nga specat djegës më pikant në botë.
Sipas atyre që e kanë provuar, fillimisht ndihet shija e vaniljes, kremoze dhe e ëmbël, por menjëherë më pas goja nis të përvëlojë fuqishëm.
Specat e përdorur janë shumë pikant saqë në disa fshatra të Indisë i përdorin për të mbajtur elefantët larg. Kjo është edhe arsyeja pse përpara se të përdorni këtë akullore duhet të nënshkruani një kontratë ku pranoni se jeni mjaftueshëm guximtarë për djegiet e mëvonshme që do t’ju shkaktojë akullorja. Me fjalë të tjera, ata që firmosin, deklarojnë se janë në gjendje të mira shëndetësore për të përballuar problemet që mund të sjellë akullorja në shëndet. /tesheshi.com/
