Leonardo DiCaprio është një aktor me famë botërore dhe kritikët i kanë vlerësuar rolet e tij. Megjithatë, si për inat të fansave, ai nuk ka fituar kurrë një çmim Oskar.
Tashmë, ai mund të ketë një shans: një grup producentësh nga lindja e largët e Rusisë kanë hartuar një plan për të ndihmuar yllin e Hollivudit të marrë më në fund Oskarin e tij.
Për fatin e keq të Leos, “Oskari” në fjalë nuk është një vlerësim i vërtetë i Academy Award. Në vend të kësaj, ai do të jetë një përpjekje vendase i krijuar nga vetë producentët, e i quajtur “Jakut Oskar” sipas emrit të rajonit ku ka lindur si ide. Organizatorët thonë se ndoshta qëllojnë në një emër më të mirë, por jo mbetet për t’u parë. Statuja do t’i jepet aktorit amerikan pavarësisht nëse ai fiton ose jo një çmim të vërtetë Oskar këtë vit, për rolin e luajtur në filmin “The Revenant”.
Tatiana Yegorova, pedagoge në Institutin Arktik të Arteve dhe Kulturës dhe ideatore e projektit, i tha agjencisë shtetërore të lajmeve “Ria Novosti” se grupi që qëndron pas këtij plani ka marrë donacione në para kesh dhe se statuja e artë do të kushtojë rreth 100 mijë rubla, afërsisht 1300 dollarë. Afërsisht 100 njerëz në Yakutia kanë dhënë para deri më tani.
Në fakt, ka një natyrë shpirtërore që shoqëron projektin. Yegorova tha për Ria Novosti se disa gra kanë dhuruar bizhuteritë e tyre për projektin, por atyre u është thënë të mbajnë gjysmat kështu që “gjysma do të jetë e tyre e gjysma tjetër e Leonardo DiCaprios”.
Një gjë e tillë do t’i lidhte në një farë mënyre me aktorin, vijoi ajo. Sipas agjencisë së lajmeve TASS, një tjetër agjenci shtetërore e lajmeve, statuja do të duket pak a shumë e njëjtë me atë tradicionalen e Oskarëve, por do të mbajë një “Choron”, gobletin me tre këmbë që simbolizon paqen, në vend të shpatës.
Kjo nuk është hera e parë që DiCaprios i ofrohet një figurinë alternative nga fansat rusë. Në vitin 2014, kur DiCaprio nuk arriti të merrte çmimin e aktorit më të mirë për rolin në filmin “The Wolf of Wall Street”, një grup aktorësh në qytetin e Çeliabinskit krijuan një statujë prej hekuri të një një burri muskuloz që e quajtën “Ascar”. Eshtë e paqartë nëse DiCaprio e mori ndonjëherë këtë çmim.
Deri më tani, mungesa këmbëngulëse e fatit për DiCaprion është bërë shumë e njohur dhe deri në një farë shkalle ai ka marrë simpatinë e të gjithëve në botë – shansi për një çmim Oskar në ceremoninë e këtij viti u shndërrua në një debat të nxehtë në rrjetet sociale kineze.
Sidoqoftë, aktori gjerësisht thuhet se ka një lidhje të veçantë me Rusinë. Gjyshja nga nëna e tij ishte ruse dhe aktori i është referuar vetes si “gjysmë rus” nëpër intervista. Presidenti Vladimir Putin e takoi personalisht yllin e Hollivudit në Shën Petërsburg, në vitin 2010 dhe e cilësoi një “burrë të vërtetë” kur u zotua të japë 1 milion dollarë për të shpëtuar nga zhdukja tigrat e Siberisë, një projekt ky që presidenti rus e ka shumë për zemër.
Interesi i rusëve për DiCaprion kulmoi së fundmi, për shkak të një numri raportimesh në median ruse se aktori amerikan do të interpretojë Putinin në një film të ardhshëm. Këto thashetheme – që janë mohuar nga producentët – pasojnë komentet nga vetë aktori ku ai sugjeron se do të donte shumë të interpretonte Putinin dhe se e vlerëson liderin rus si “shumë, shumë, shumë interesant”.
Media shtetërore ruse ka treguar gjithnjë interes në të kaluarën për të mbuluar njerëzit e famshëm, edhe pse zakonisht ata që i janë përgjigjur kanë qenë më të vjetër dhe me kulmin e karrierës pas krahëve: aktori Gerard Depardieu, ylli i filmave aksion Steven Seagal, dhe pesë herë ish-kampioni I botës në boks Roy Jones janë disa shembuj.
Ndoshta kjo është arsyeja përse interesi për DiCaprio është kaq i madh, edhe pse ka shenja se vëmendja ruse mund të jetë pak vetënënçmuese. Kur dikush zbuloi së fundmi, një fotografi të një burri në forcat e armatosura ruse me një ngjashmëri të habitshme me DiCaprion, një përdorues i rrjeteve sociale shkroi se pasi humbi një tjetër çmim Oskar, aktori amerikan kishte vendosur të zhvendosej drejt “të vetmit vend që vërtet i vlerëson njerëzit e talentuar”. Përgatiti: Juli Prifti – /tesheshi.com/
