Aktivistët e lëvizjes Vetëvendosje hynë brenda rrethimit të qeverisë dhe shpuan gomat e disa makinave zyrtare. Policia ka ndërhyrë për i larguar ata e ka pasur edhe përleshje, ndërsa aktivistët vendosën edhe fletushka sipër makinave që shkruanin “jofunksionale”.
“Sulmi” këtë radhë ndodhi në ndërtesën e dytë që përdoret nga qeveria, tek ish-Rilindja, ku ndodhen disa ministri.
Daut Hoxha, zëdhënësi i policisë konfirmoi se aktivistët “kanë hyrë dhunshëm në objektet e qeverisë duke shkaktuar dëme”.
“Kemi të arrestuar, por gjatë ditës do të merrni raportin final”, ka thënë Hoxha. /tesheshi.com/
