Aktivistët e Vetëvendosjes u përleshën me policinë, kur kjo e fundit ndërhyri për të mos i lejuar që të vendosin “udhëzime administrative” në makinat që ndodheshin në oborrin e ndërtesës së qeverisë së Kosovës. Mësohet se policia ka përdorur edhe spray për të larguar aktivistët nga oborri i qeverisë, dhe ka arrestuar disa prej tyre.
Në aksionin sarkastik të ndërmarrë ditën e sotme, aktivistët u përpoqën të vendosin udhëzimin, sipas të cilit rekomandohen të gjitha institucionet shtetërore të shesin makinat, për interesa familjare.
Aksioni është pjesë e aktiviteteve të shumta që aktivistët e Vetëvendosjes janë duke ndërmarrë së fundmi, në shenjë proteste dhe kundërshtie me qeverisjen e Kosovës. Sipas ish-kreut të kësaj lëvizjeje, Albin Kurti, partia po përgatitet për protesta masive e të fuqishme. /tesheshi.com/
