Muzikanti i njohur serbo-boshnjak Goran Bregoviç ka pësuar një aksident, gjë që e ka detyruar të anulojë koncertet e tij, raportojnë mediat ndërkombëtare.
Konkretisht, muzikanti i njohur ka rënë nga skuteri gjatë qëndrimit në Paris dhe ka plagosur shpatullën.
Për shkak të lëndimit të tij, Bregoviç u detyrua të anulojë koncertet e planifikuara në Meksikë më 26, 29 dhe 30 nëntor.
Bëhet e ditur se Bregoviç ka pësuar një dëmtim të ngjashëm në vitin 2008, kur ka qenë duke mbledhur qershi dhe ka rënë nga një lartësi prej katër metrash.
Kujtojmë se kjo figurë e artit muzikor ballkanik është bërë shpesh temë debati në Shqipëri qyshse është ftuar të performojë me koncerte nga vendimmarrje lokale, fillimisht në Tiranë nga Rama. /tesheshi.com/
