Një aksident i rëndë ka ndodhur në bulevardin “Donald Trump” në bashkinë e Kamzës, ndërsa raportohet se një fëmijë 15-vjeçar ka humbur jetën.
Nga të dhënat e para mësohet se aksidenti ka ndodhur rreth rës 15:30 të ditës së dielës.
Burime policore bëjnë të ditur se drejtuesi i mjetit ka humbur kontrollin dhe është përplasur me një shtyllë.
“Si pasojë e përplasjes janë dëmtuar tre fëmijë, shtetasit E.B, 11 vjeç, K.T., 16 vjeç dhe K.C, rreth 15 vjeç (të tre pasagjer në mjetin tip “Benz”).
Shtetasi K.C, ka ndërruar jetë rrugës për në spital, ndërsa dy të dëmtuarit e tjerë janë jashtë rrezikut për jetën”, shprehen burime nga policia.
Drejtuesi i mjetit është shoqëruar në ambientet e policisë për veprime të mëtejshme dhe grupi hetimor po punon për zbardhjen e shkaqeve dhe rrethanave të përplasjes. /tesheshi.com/
