Një aksident i rëndë detar ka ndodhur me familjen e biznesmenit të njohur turk Ali Sabanci, dhe vetë këtë të fundit, pasi me varkën e tyre janë përplasur me disa shkëmbinj, siç pretendohet, në ujrat greke.
Siç raporton media në Athinë, ata, Sabanci, gruaja e dy fëmijët po shkonin nga Lipsi në Leros për të darkuar familjarisht në përvjetorin e martesës së tyre.
Ka qenë kapiteni ai që ka vënë re shkëmbinjtë, duke thërritur “Kujdesë, gurë”, gjë që ka bërë që dy djemtë e tyre, Emre dhe Kaan, të hidhen në det për të shpëtuar, ndërsa prindërit e tyre janë bllokuar nën varkë, të shpëtuar nga fëmijët.
Në një deklaratë me shkrim nga Esas Holding, kompania në pronësi të Ali Sabanci, thuhet se gjendja shëndetësore e familjes është duke u përmirësuar.
Mustafa Sarıgül, një person nga mjedisi i familjes, tha se Ali e njihte mirë zonën ku ndodhi aksidenti dhe konsideron se ajo që ka ndodhur është një në një milion.
“Lutjet tona janë me familjen Sabanci… Mjekët po bëjnë gjithçka që munden. Shpresoj që ata të shërohen sa më shpejt, të jenë me fëmijët e tyre dhe të kthehen në punë”.
Sabancı çifti denizde kaza geçirdi.
Yunanistan'da tatildeyken denizde kaza geçiren Ali Sabancı ve eşi Vuslat Doğan Sabancı yaralandı. Ağır yaralı Ali Sabancı, İstanbul'da özel bir hastaneye getirilerek tedavi altına alındı. Vuslat Doğan Sabancı da aynı hastaneye sevk edildi. pic.twitter.com/B3oz1eWejx
— TRT Haber Canlı (@trthabercanli) August 25, 2023
Sipas raportit të Yeni Safak, Sabancı u gjet me lëndime të shumta në organet e tij të brendshme dhe iu nënshtrua një operacioni.
Dy fëmijët, të cilët u plagosën lehtë dhe po trajtoheshin në Bodrum, mbërritën mesditën e së premtes në Stamboll për të parë babanë e tyre.
Nga ana tjetër, mediat greke shkruajnë se mjekët në Leros luftuan gjithë natën për ta mbajtur në jetë.
Në një postim, drejtori i spitalit të Lerosit, Nikolaos Charalambis, shkruan: “Dje shpëtuam dy jetë njerëzish. Jemi krenarë për stafin mjekësor të mjekëve Krasonikolakis, Baliakos, Kermaris dhe gjithë ekipin e kirurgjisë sonë, të cilët dje operuan dy bashkëqytetarë tanë gjatë gjithë natës dhe më në fund i shpëtuan”. /tesheshi.com/
