Një aksident me pasojë vdekje është regjistruar mëngjesin e sotshëm në Tiranë. Burime policore bëjnë të ditur se rreth orës 08:30 një autobuz linje ka aksidentuar te “Ura e Institutit” një këmbësore, e cila ka humbur jetën.
Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se autobuzi i linjës së Kamzës, me drejtues shtetasin B. Ç, ka aksidentuar me vdekje, një shtetase (femër), ende të paidentifikuar, të moshuar.
Mjeti dhe drejtuesi ndodhen në vendngjarje, ndersa po kryhen veprimet nga shërbimet e policisë. /tesheshi.com/
