Një aksident tragjik me dy viktima ndodhi mëngjesin e kësaj të mërkurë ne Kamëz, në afërsi të Institutit Bujqësor, kur një automjet Benz e drejtuar nga një grua, humbi kontrollin dhe doli jashtë rruge duke përplasur nënn më dy vajza të mitura e një biçiklist. Të vdekur mbetën biçiklisti, 29 vjeç, si dhe një nga vajzat që shoqërohej nga e ëma, e moshës 7 vjeçe. Të plagosura mbetën vajza tjetër 6 vjeçare dhe e ëma, e cila prej e humbi njërën prej tyre.
“Më datë 08.08.2018, rreth orës 08:40, në rrugën e Kamzës, tek shinat e trenit, shtetasja R. K., ka humbur kontrollin e drejtimit të mjetit me targë AA071UA, duke u përplasur me një biçiklistë dhe më pas me këmbësorë.
Si pasojë e përplasjes ka ndëruar jetë shtetasja E. N., 7 vjeçe dhe janë dërguar në spital për ndihmë mjekësore shtetaset V. N., 29 vjeçe dhe E. N., 6 vjeçe, ku kjo e fundit ndodhet në gjëndje të rëndë shëndetësore”, thuhet në njoftimin zyrtar të Policisë.
Ende nuk dihet se për ç’arsye, automjeti i drejtuar nga një 29-vjeçare – po kaq ka qenë dhe mosha e gruas me dy vajzat – humbi kontrollin duke marrë para kalimtarë rasti. /tesheshi.com/
