Një aksident i rëndë ndodhi pasditen e kësaj të enjteje në Gjilan, ku një kamionçinë morri përpara me dhjetra automjetete në një prej rrugëve të qytetit kosovar, pas një ecejeje me shpejtësi tejet mbi normalen.
Bilançi i deritanishëm flet për një të vdekur e dhjetra të plagosur.
Kryeministri Haradinaj shkroi se është “thellësisht i tronditur nga tragjedia e sotme në qendër të Gjilanit, ku humbi jetën një person dhe 20 të tjerë u lënduan. Familjes së personit që ka humbur jetën i shprehim ngushëllimet më të sinqerta derisa të lënduarve shërim sa më të shpejtë. Nga informatat që kemi marrë, kuptuam se aksidenti ndodhi pasi një kamion për shkak të problemeve teknike, ka aksidentuar 8 vetura dhe kalimtarë të rastit”.
Haradinaj kërkoi hetimin e rastit, për të cilin ende nuk ka një poërgjigje zyrtare se çfarë e ka shkaktuar:
“U bëjë thirrje organeve përgjegjëse që të ndërmarrin të gjitha veprimet e nevojshme për ta hetuar rastin dhe për të parandaluar që rastet e tilla të ndodhin në të ardhmen. Qeveria e vendit, institucionet përkatëse, janë në gjendje gatishmërie për të ofruar gjithë ndihmën e nevojshme, për të prekurit nga kjo tragjedi”, ka shkruar Haradinaj.
I gjithë qyteti i Gjilanit është shokuar nga kjo ngjarje e rëndë rrugore, e sigurisht dhe Kosova.
Javë më parë, në një rast të ngjashë, një kamionçinë hipi mbi trotuar dhe goditi një grua shtatzënë, e cila humbi foshnjën 7-muajshe në bark e vetë përfundoi rëndë në spital. /tesheshi.com/
https://youtu.be/2AwairERMLc
