Dy viktima aksidenti u regjistruan mbrëmjen e së dielës në aksin që lidh qytetin e Roskovecit me Beratin, pranë fshatit Arapaj.
Kushërinjtë Amarildo dhe Festim Dogani, përkatësisht 21 dhe 29 vjeç, humbën jetën pasi u përplasën nga një automjet teksa po ecnin në atë të rrugës.
Autori i aksidentit është një bashkëfshatar i tyre, Amarildo Çalamani, që fillimisht u largua nga vendi i ngjarjes, për t’u arrestuar pak më vonë nga policia.
Banorë të zonës, mes dhimbjes për humbjen e dy jetëve njerëzore, dolën në protestë për të kërkuar sinjalistikën e munguar të rrugës ku ndodhi aksidenti.
Por duket se shkaku kryesor ka qenë vetë autori, Çalamani. Policia e Fierit publikoi të dhëna për të si njeri problematik në timon. Dy vitet e fundit, ai ishte shqepur në gjoba nga rrugorja, deri dhe në heqje patente për shpejtësi. /tesheshi.com/
