Një aksident është regjistruar mesditën e sotme në Mashkullorë (Gjirokastër), ku për pasojë janë lënduar 5 persona.
Mësohet se një automjet tip “Fouristradë” është përplasur me bordurën anësore të rrugës në Kordhoc.
Policia e Gjirokastrës bëri të ditur se të plagosur janë banues në Sarandë. Ata ndodhen të gjithë për ndihmë mjekësore në spitalin rajonal të Gjirokastrës.
“Njoftohemi se në vendin e quajtur “Serat e Mashkullorës”, në segmentin nacional Gjirokastër-Tepelenë, mjeti tip “Mitsubishi”, me drejtues shtetasin A.A, me targa SR 8185 B, ka dalë nga rruga duke përfunduar në kanal.
Për pasojë janë dëmtuar 5 shtetasit që ndodheshin në mjet, drejtuesi i mjetit shtetasi A.A dhe pasagjerët Sh.A, V.A, K.A dhe F.P, banues në Sarandë.
Të dëmtuarit janë transportuar për në spitalin Rajonal “Omer Nishani”, Gjirokastër, të cilët ndodhen jashtë rrezikut për jetën. Në vendngjarje ka shkuar grupi hetimor për zbardhjen e shkaqeve të aksidentit”, thuhet në njoftimin zyrtar të policisë. /tesheshi.com/
